Каляндар падзей Жыткаўшчыны – 2020
Новае Палессе
Рус
Eng
Бел

Прыёмная райвыканкама

Адрас райвыканкама:
247960 г. Жыткавічы,
вул. Энгельса, 3
Тэлефон / факс прыёмнай:
(8-02353) 5-00-02

E-mail: isp@zhitkovichi.gov.by

Райвыканкам
Галоўная Навіны Навіны раёна

Навіны раёна

30 чэрвеня 2020

Крокі ў прафесію Дар’і Піліпейка

У Дар’і Піліпейка знаёмства са старажытным Туравам адбылося яшчэ ў гады яе студэнцтва. Навучэнкай Рэчыцкага ветэрынарнага каледжа яна разам з аднакурснікамі прыехала ў горад, каб падзівіцца на яго славутасці.
У мясцовую гаспадарку, акцыянернае таварыства “Тураўшчына” Дар’я Іванаўна прыехала праходзіць пераддыпломную практыку. Будучаму ветфельчару ўсё адразу спадабалася. Найперш, адкрытасць і дабрыня работнікаў фермы і спецыялістаў жывёлагадоўчай галіны, якія адразу сталі апякаць калегу, дапамагаць ёй набірацца вопыту. З умовамі працы таксама пашанцавала – прызначылі Дашу на новы сучасны малочнатаварны комплекс “Казаргаць-2”. Несумненна, пры такім раскладзе дзяўчына яшчэ больш палюбіла абраную прафесію. Калі ж прыйшла пара размеркавання ў навучальнай установе, адназначна папрасілася ў ААТ “Тураўшчына”.
Вось ужо год Дар’я выконвае нялёгкія абавязкі ветфельчара ў адным з буйнешых структурных падраздзяленняў жывёлагадоўчай галіны сельгаспрадпрыемства. Кіраўніцтва і радавыя працаўнікі комплексу хваляць спецыяліста за стараннасць і працавітасць, грунтоўныя веды і добразычлівы характар.
– Работы на ферме заўсёды хапае, – расказвае пра сваю дзейнасць Дар’я Іванаўна, – але на гэта не наракаю. Прафесію сама выбірала, ды і аб хлебе жывёлавода ведаю з маленства. Маці – аператар машыннага даення. Таму імкнуся выконваць ускладзеныя абавязкі належна.
Кіраўніцтва гаспадаркі пастаралася, каб  малады спецыяліст трывала замацаващся на вытворчасці. Надзяліла яго жыллём, стварыла ўмовы для прафесійнага росту. І Дар’я гэтым карыстаецца. Ужо год навучаецца ў Віцебскай ветэрынарнай акадэміі. Атрыманыя веды актыўна спалучае з практыкай. А гэта прамое сведчанне таго, што дзяўчына зрабіла правільны выбар працоўнага шляху, з якога не збіраецца зварочваць. Прыклад Дар’і таксама пераканаўча даказвае,  калі да абранай справы адносішся з душою, то любая спецыяльнасць становіцца прэстыжнай, а чалавек карыстацца заслужанай павагай.
Сяргей Белка

Рэспубліканскае ўнітарнае прадпрыемства «Нацыянальны цэнтр электронных паслуг» Нацыянальны банк Рэспублікі Беларусь Нацыянальнае агенцтва інвестыцый і прыватызацыі Рэспубліка Беларусь

Інтэрнэт-рэсурсы