Новае Палессе
Рус
Eng
Бел

Прыёмная райвыканкама

Адрас райвыканкама:
247960 г. Жыткавічы,
вул. Энгельса, 3
Тэлефон / факс прыёмнай:
(8-02353) 5-00-02

E-mail: isp@zhitkovichi.gov.by

Райвыканкам
Галоўная Навіны Навіны рэспублікі

Навіны рэспублікі

30 чэрвеня 2021

Натарыусы 2 ліпеня пракансультуюць бясплатна


30 чэрвеня, Мінск /Кар. БЕЛТА/. Натарыусы 2 ліпеня бясплатна пракансультуюць грамадзян усіх катэгорый па пытаннях, звязаных з правядзеннем натарыяльных дзеянняў, паведаміў БЕЛТА памочнік старшыні Беларускай натарыяльнай палаты (БНП) Артур Стрэх.
Удзел у рэспубліканскай дабрачыннай акцыі, прысвечанай Дню Незалежнасці Беларусі і 77-годдзю вызвалення ад нямецка-фашысцкіх захопнікаў, прымуць усе натарыяльныя канторы і натарыяльныя бюро рэспублікі.
Звярнуўшыся да натарыуса на працягу рабочага дня, грамадзяне Беларусі могуць атрымаць кансультацыю па пытаннях, якія ўваходзяць у кампетэнцыю натарыуса. Праінфармуюць у тым ліку па афармленні правоў на спадчыну, складанні завяшчанняў, шлюбных дагавораў, адчужэнні нерухомай маёмасці і інш. Артур Стрэх падкрэсліў, што кансультацыю спецыяліста таксама можна атрымаць па тэлефоне або з дапамогай мэсэнджараў. Патэлефанаваўшы ў натарыяльную кантору або натарыяльнае бюро, можна ўзгадніць найбольш зручны фармат прадастаўлення кансультацыі, у тым ліку па відэасувязі.
Правядзенне такіх акцый, прымеркаваных да дзяржаўных свят і іншых памятных дат, для натарыяльнай супольнасці Беларусі стала традыцыйным, адзначыў памочнік старшыні БНП. Такія мерапрыемствы праводзяцца перш за ўсё для забеспячэння абароны правоў і законных інтарэсаў грамадзян, павышэння ўзроўню правасвядомасці, прававой культуры і дасведчанасці насельніцтва.
Час работы натарыяльных кантор і натарыяльных бюро рэспублікі, а таксама актуальныя кантактныя даныя можна ўдакладніць на афіцыйным сайце Беларускай натарыяльнай палаты ў раздзеле "Знайсці натарыуса".-0-

Навіны Беларусі (БЕЛТА)

Рэспубліканскае ўнітарнае прадпрыемства «Нацыянальны цэнтр электронных паслуг» Нацыянальны банк Рэспублікі Беларусь Нацыянальнае агенцтва інвестыцый і прыватызацыі Рэспубліка Беларусь

Інтэрнэт-рэсурсы