Настройки
Настройки шрифта
Arial
Times New Roman
Размер шрифта
A
A
A
Межбуквенное расстояние
Стандартное
Увеличенное
Большое
Цветовая схема
Черным
по белому
Белым
по черному
Житковичский районный исполнительный комитет
Главная / Новости / Новости района
7 сентября 2021

«Тураўскі кірмаш» зладзілі ў старажытным горадзе 


Традыцыя гэта бярэ пачатак з сівой даўніны, калі ў паселішча  з далёкай і блізкай акругі з’язджалася мноства народу, каб не толькі нешта купіць-прадаць, а і наталіцца рознымі відовішчамі. Першая спроба адрадзіць свята атрымалася, лічаць яго арганізатары, мясцовыя работнікі культуры і гарсавет. Сябе паказаць і на другіх падзівіцца ў перадапошнюю жнівеньскую нядзелю на Чырвоную плошчу прыйшло шмат людзей. 
На сцэне з лепшымі нумарамі выступілі не толькі тураўскія артысты. Сваю праграму таксама прэзентавалі мастацкія калектывы з бліжэйшых вёсак рэгіёна і горада-пабраціма Давыд-Гарадка. Уласную прадукцыю гасцям прапаноўвалі рыбгас «Белае» і ААТ «Тураўшчына», майстры дэкаратыўна-прыкладной творчасці і прыватнікі. На што здольны таленавітыя рукі, сведчыла выстава Азяранскага цэнтра рамёстваў. Карацей, забаў хапала на любы густ, як і частаванняў.
Не паспелі адгучаць апошнія акорды мерапрыемства, як яго заснавальнікі пачалі планаваць наступнае. Вырашана зрабіць урачыстасць штогадовай завядзёнкай.
Святлана Шакалян
Фота з Інтэрнэта

К списку новостей